ვიდეო: ეს მამუკელაშვილმა გააკეთა – სანდრო დაბრუნდა და კარგადაც ითამაშა

სამმატჩიანი შესვენების შემდეგ სანდრო მამუკელაშვილი მოედანს დაუბრუნდა. მან ბოლო მატჩი ზურგის ტრავმის გამო გამოტოვა, თუმცა „საკრამენტიოსთან“ გამოჩნდა, რომ ტრავმა სერიოზული არ არის და კარგ ფორმაშია.

სანდრო „სან ანტონიო“-„საკრამენტოს“ მატჩის მეორე პერიოდში გამოვიდა. ჯამში 12 წუთი ითამაშა და 6 ქულა, 3 მოხსნა და 2 პასი მოაგროვა. მაგარია ჩვენიანის +|- მაჩვენებელი: როდესაც ის მოედანზე იყო, „სან ანტონიო“ 21 ქულით სჯობნიდა „საკრამენტოს“.

მესამე პერიოდის ბოლო წამს მატჩის გამორჩეული მომენტი ვიხილეთ: დრო იწურებოდა, „სან ანტონიოს“ შესატევად 4 წამი ჰქონდა, სწრაფად გადავიდნენ მეტოქის ნახევარზე და სირენასთან ერთად ეფექტური ორქულიანი ჩააგდეს. ეს მამუკელაშვილმა გააკეთა.

ამ ტყორცნით „სპურსმა“ სხვაობა მინიმუმამდე შეამცირა, თუმცა საბოლოოდ გამარჯვება მაინც „საკრამენტოს“ დარჩა – 129:120.
„სან ანტონიომ“ ზედიზედ მეექვსედ წააგო მიმდინარე სეზონში.

თორმეტიდან მეშვიდე მატჩი მოიგო გოგა ბითაძის „ორლანდომ“. ფლორიდელებმა სტუმრად „ჩიკაგოს“ აჯობეს – 103:97.
გოგამ 21 წუთი ითამაშა და 2 ქულა, 4 მოხსნა, 2 დაფარება და 1 ჩაჭრა მოაგროვა.