ეს ხომ მე ვარ: კროოსმა აგუეროს ქანდაკებაზე იშაყირა

ტონი კროოსმა იხუმრა „სიტის“ მიერ სერხიო აგუეროს ძეგლის გახსნასთან დაკავშირებით.

BBC Sport-ის ჟურნალისტმა საიმონ სტოუნმა სტადიონ „ეტიჰადთან“ დადგმული ქანდაკების ფოტო გამოაქვეყნა და მიაწერა: „სერხიო აქ არის“.

„დარწმუნებული ხართ? – დაწერა „რეალის“ გერმანელმა ნაევარმცველმა და იმაზე მიუთითა, რომ მონუმენტი მას უფრო ჰგავს, ვიდრე არგენტინელს.

„ქალაქელებმა“ სერხიო აგუეროს ძეგლი გუშინ დაუდგეს, როდესაც 10 წელი შესრულდა სახელგანთქმული ოქროს გოლიდან – 93:20 წუთზე აგუერომ „ქუინს პარკ რეინჯერსს“ გაუტანა და „სიტი“ ჩემპიონი გახადა პირველად 44 წლის შემდეგ.