ეს რას ნიშნავს: ხვიჩა ოქროს ბურთის ნომინანტობიდან ამოიღეს

Goal.com-მა „ოქროს ბურთის“ ფავორიტების რეიტინგი განაახლა.
მთავარ პრეტენდენტად დარჩა ლეო მესი.
სამეულში ასევე არიან ერლინგ ჰოლანდი და კილიან მბაპე.

მოგეხსენებათ, აქამდე ათეულში მუდმივად იყო ხვიჩა კვარაცხელიაც (საუკეთესო პოზიცია მე-6 ადგილი), ახლა კი ჩვენიანი აღარ შეიყვანეს 10 პრეტენდენტში. არადა, სწორედ ახლახან დაასახელეს ქართველი სერია ა-ს საუკეთესო ფეხბურთელად და ასეთ დროს გამოყვანა ათეულიდან გასაკვირია. მით უმეტეს, დარჩა კვარას თანაგუნდელი ოსიმენი.

ქართველი ფეხბურთელი კი „სიტის“ ორმა წევრმა შეავიწროვა – გიუნდოგანი შემოვიდა ათეულში, ხოლო ჩემპიონთა ლიგის ფინალში გადამწყვეტი გოლის ავტორი როდრი პირველად შეიყვანეს სიაში.

ტოპ-10 ახლა ასე გამოიყურება:

1. ლეო მესი (პსჟ/„ინტერ მაიამი“, დარჩა იმავე ადგილზე)
2. ერლინგ ჰოლანდი („სიტი“, დარჩა იმავე ადგილზე)
3. კილიან მბაპე (პსჟ, დარჩა იმავე ადგილზე)
4. ვინისიუსი („რეალი“, დარჩა იმავე ადგილზე)
5. კევინ დე ბრუინი („სიტი“, დარჩა იმავე ადგილზე)
6. ილქაი გიუნდოგანი („სიტი“, მანამდე – მე-11)
7. ვიქტორ ოსიმენი („ნაპოლი“, მანამდე – მე-6)
8. როდრი („სიტი“, ახალწვეული სიაში)
9. რობერტ ლევანდოვსკი („ბარსელონა“, დარჩა იმავე ადგილზე)
10. ხულიან ალვარესი („სიტი“, დარჩა იმავე ადგილზე)