in

დამატებითი მატარებელი ბათუმისკენ – რაგბის ზეიმი ზღვისპირას გრძელდება

რაგბის კავშირის ინიციტივით და საქართველოს რკინიგზის მხარდაჭერით, 10 ივლისს ბათუმში, საქართველოსა და იტალიას შორის გასამართი მატჩისთვის დამატებითი რეისი დაინიშნა.

3 ივლისს ქუთაისში დაწყებული სარაგბო ზეიმი ბათუმში გაგრძელდება. ისევე, როგორც არგენტინა XV-თან მატჩამდე, ზღვისპირა ქალაქშიც გაიმართება მთელი რიგი საზეიმო ღონისძიებები: მოეწყობა ტურნირები ქვიშის რაგბში, კონცერტები ქალაქის რამდენიმე ლოკაციაზე, მსვლელობები და მათთვის, ვინც სტადიონზე ვერ მოხვდება, ექნებათ საშუალება თამაშს დიდ ეკრანზე მიადევნონ თვალი. ბათუმის გარდა დიდი ეკრანები საქართველოს სხვა ქალაქებშიც დამონტაჟდება და ერთობლივი ქომაგობის საშუალება რაგბის გულშემატკივარს მთელი ქვეყნის მასშტაბით ექნება.

რადგან იტალიასთან გასამართი მატჩის მიმართ ინტერესი დიდია, საქართველოს რკინიგზამ თბილისი-ბათუმი-თბილისის დამატებითი რეისი დანიშნა. 4 ვაგონისგან შემდგარი (400 ადგილი) სწრაფი მატარებელი თბილისიდან ბათუმისკენ 8 ივლისს, 09:45 საათზე გავა, უკან კი 11 ივლისს, 18:45 საათზე დაბრუნდება. კომფორტული მატარებლით მგზავრობის საფასური სტანდარტული იქნება.

„რადგან იტალიასთან მატჩი ჩვენთვის პრინციპული ხასიათის მატარებელია და თბილისიდან ბევრ გულშემატკივარს სურს მასზე დასწრება, შევხვდით “საქართველოს რკინიგზის” ხელმძღვანელობას და მათგან სრული მხარდაჭერა მივიღეთ. დაინიშნა სწრაფი, კომფორტული მატარებლის დამატებითი რეისი და გულშემატკივრები ერთად იმგზავრებენ, ბათუმში კი არაერთი სიურპრიზი დახვდებათ. მათ ექნებათ შესაძლებლობა ტურისტულ სეზონზე ზღვისპირა ქალაქში ოთხი შესანიშნავი დღე გაატარონ, დაესწრონ თამაშს და ორშაბათს საღამოს დაბრუნდნენ დედაქალაქში“, – ამბობს რაგბის კავშირის ადმინისტრაციული დირექტორი თორნიკე გოგებაშვილი.

What do you think?

Leave a Reply

Your email address will not be published. Required fields are marked *

GIPHY App Key not set. Please check settings

დილით ვიცოდი, რომ მოვიგებდით: შეგვიძლია ერთად ბრძოლა და ერთად გამარჯვება – ეს ენით აუწერელი იყო

ვეღარ ვითმენ როდის ვითამაშებ: ჩაკვეტაძეს სლობამში 70-ე ნომერი მისცეს