გუნდურ ევროპის ჩემპიონატზე საქართველოს ნაკრების შემადგენლობა ცნობილია

საქართველოს ძიუდოისტთა ნაკრები გუნდური ევროპის ჩემპიონატისთვის ემზადება. რამდენიმე წუთის წინ, საქართველოს ძიუდოს ფედერაციამ იმ ძიუდოისტების ვინაობა დაასახელა, რომლებიც მომავალ ტურნირზე მონაწილეობას მიიღებენ.

ტრადიციულად შეჯიბრი მამაკაცთა შორის-73, 90 და +90 კკ და ქალებში 57, 70 და +70 კილოგრამამდე წონით კატეგორიებში გაიმართება. 3:3 დაფიქსირების შემთხვევაში, წილისყრა გამოავლენს იმ წონით კატეგორიას, რომლის ძიუდოისტებიც გადამწყვეტი ქულისთვის იბრძოლებენ.

საქართველოს ნაკრები ტურნირზე შემდეგი ძიუდოისტებით იასპარეზებს.

კაცები: ალეკო მამიაშვილი, ფრიდონ გიგანი (ორივე – 73 კგ.), ბექა ღვინიაშვილი, ლუკა მაისურაძე (ორივე – 90 კგ.) გელა ზაალიშვილი, საბა ინანეიშვილი (ორივე +90 კგ.)

ქალები: ეთერ ლიპარტელიანი (57 კგ.), მარიამ ჭანტურია, ნინო გულბანი (ორივე – 70კკგ.), სოფიო სომხიშვილი (+70 კგ.)

ძიუდოში გუნდური ევროპის ჩემპიონატს 27 ნოემბერს რუსეთის ქალაქი უფა უმასპინძლებს.