გერმანიაში წლის ფეხბურთელი კროოსია, მწვრთნელი ჩაბი ალონსო

ტონი კროოსი წლის საუკეთესო ფეხბურთელად დაასახელეს kicker-ის ვერსიით.

გამოკითხვის შედეგად, რომელიც გერმანელი სპორტული ჟურნალისტების ასოციაციის წევრებს შორის ჩატარდა, აწ უკვე კარიერა დასრულებულმა ნახევარმცველმა 285 ხმა მიიღო.

სამეულში მოხვდნენ ფლორიან ვირტცი (246 ხმა) და გრანიტ ჯაკა (66 ხმა).

ჯაკა იმიტომ არის აქ, რომ საუკეთესოებს ირჩევენ გერმანელ ფეხბურთელებსა და გერმანიაში მოთამაშე ფეხბურთელებიდან.

საუკეთესო მწვრთნელად აღიარეს ჩაბი ალონსო, რომელმაც „ბაიერი“ გერმანიის ჩემპიონობამდე მიიყვანა და თან თასიც აიღო.