ბურჯანაძემ ბარსელონას 11 ქულა ჩაუგდო

საქართველოს ნაკრების კალათბურთელის ბექა ბურჯანაძის “ბეტისმა” ესპანეთის ჩემპიონატის შეხვედრაში ერთ-ერთ მთავარ ფავორიტს “ბარსელონას” დაუპირისპირდა და 61:78 დამარცხდა.

მიუხედავად მარცხისა, “ბეტისის” რიგებში ქართველ კალათბურთელს კარგი თამაში ჰქონდა და თავისი გუნდის შემადგენლობაში საუკეთესოც იყო.

ბურჯანაძე სასტარტო ხუთეულში გამოჩნდა და 21:09 წუთში 11 ქულა, 4 მოხსნა და 1 პასი მოაგროვა. ქართველმა მძიმე ფორვარდმა 6-დან 3 ორქულიანი და 5-ვე საჯარიმო ჩააგდო, სამქულიანი ააცილა, ბურთი ერთხელ დაკარგა, არ დაჯარიმებულა, მის წინააღმდეგ კი თამაშის წესები 4-ჯერ დაირღვა.

ბექას მარგი ქმედების კოეფიციენტი +15 იყო.