ბექჰემმა კეინი დაიცვა

კოშმარული დღეებია ჰარი კეინის ცხოვრებაში. ინგლისის ნაკრების კაპიტანმა, საფრანგეთთან დაპირისპირების 83-ე წუთზე მე-2 პენალტი დაარტყა და ამჯერად არაზუსტად, ინგლისი 1:2 დამარცხდა და ტურნირს გამოეთიშა. ლეგენდარულმა ინგლისელმა, დეივიდ ბექჰემმა კი ინსტაგრამზე პოსტი გამოაქვეყნა:

“მომდევნო დღე ყოველთვის უმძიმესია, როდესაც ტურნირს ემშვიდობები, მაგრამ ახალგაზრდა გუნდი გვყავს, საუთგეითის იმედი მაქვს და მჯერა, რომ წინ უკეთესი ამბები გველის.

რაც შეეხება კეინს, ის ნამდვილი ლიდერია და ამ პენალტით არაფერი შეცვლილა, შემდეგში უკეთესი დასასრული იქნება”.