Tato Nikuradze
18 წლის ქართველი მეკარე პაპუნა ბერუაშვილი მომავალ თვეში ლისაბონში ჩავა და პორტუგალიური ფეხბურთის გრანდთან, “სპორტინგთან” კონტრაქტს გააფორმებს. ინფორმაციას პორტუგალიური სპორტული გამოცემა A BOLA ავრცელებს.
მოგეხსენებათ, საქართველოს 18-წლამდელთა ნაკრები პორტოს საერთაშორისო ტურნირზე იმყოფებოდა, რომელზეც ბერუაშვილი ახალგაზრდა “ჯვაროსნების” კაპიტანი იყო. წყაროს ცნობით, ბერუაშვილის პორტუგალიაში ყოფნით “სპორტინგის” სკაუტებმა ისარგებლეს და ახალგაზრდა ქართველ მეკარესთან კონტრაქტის დეტალები მოაგვარეს. პაპუნა ლისაბონში მომდევნო თვის დასაწყისში ჩავა.
18 წლის პაპუნა ბერუაშვილი თბილისის “დინამოს” საფეხბურთო აკადემიის აღზრდილია.
GIPHY App Key not set. Please check settings