Vakhtang Daraselia
ქარიმ ბენზემამ რაულს გაასწრო ლა ლიგაში გატანილი გოლებით „რეალის“ მაისურით.
35 წლის ფოირვარდმა „ელჩესთან“ ჩემპიონატის 21-ე ტურის შეხვედრაში (3:0) დუბლი შეასრულა. ორივე გოლი ფრანგმა პენალტიდან გაიტანა.
ბენზემას კარიერაში 36 პენალტი აქვს გატანილი, 8 კი გაფუჭებული.
ახლა ბენზემას ანგარიშზე 230 გოლია და „რეალის“ ლეგენდას 2 გოლით გადაასწრო (რაული – 228 გოლი).
ბენზემაზე წინ მხოლოდ კრიშტიანო რონალდოა – პორტუგალიელმა ლა ლიგაში 311 გოლი გაიტანა.
ისე კი რაულის ჩაჩოჩებით ბენზემა ლა ლიგის ისტორიაში ტოპ 5 ბომბარდირში შევიდა.
წინ არიან უგო სანჩესი (234), ტელმო სარა (252), კრიშტიანო რონალდო (311) და ლეო მესი (474).
ვთქვათ ისიც, რომ „რეალის“ სასარგებლოდ ჩემპიონატის მატჩებში 560 პენალტი დაინიშნა, რაც რეკორდია.
„ბარსამ“ 520-ჯერ დაარტყა 11-მეტრიანი, „ატლეტიკოს“ ანგარიშზე 478 პენალტია, „ვალენსია“ – 469, „ატლეტიკი“ – 430.
ამ სეზონშიც „რეალი“ ყველაზე მეტს პენალტს ურტყამს – 9.
GIPHY App Key not set. Please check settings