ბასილაშვილი ალკარასთან დამარცხდა და მადრიდის მასტერსს გამოეთიშა

საქართველოს პირველი ჩოგანი ნიკოლოზ ბასილაშვილი მადრიდის 1000 ქულიან მასტერსის მეორე ეტაპზე მსოფლიოს მეცხრე ჩოგანს, 18 წლის ესპანელ ტალანტს კარლოს ალკარასს დაუპირისპირდა და ორ სეტში 3:6;5:7 დამარცხდა.

ნიკამ თამაში ბრწყინვალედ დაიწყო და ბრეიქით 3:1 დაწინაურდა, მაგრამ ზედიზედ 5 გეიმი წააგო. მეორე ეტში კი, ნიკა 5:4-ს იგებდა და სეტზე აწვდიდა, მაგრამ სეტის ლოგიკურ დასასრულამდე მიყვანა ვერ მოახერხა და 5:7 წააგო.

გეტყვით, რომ ნიკოლოზ ბასილაშვილმა მადრიდის მასტერსის პირველ ეტაპზე იტალიელი ფაბიო ფონინი დაამარცხა.

მომდევნო ტურნირი, რომელზეც საქართველოს პირველი ჩოგანი ითამაშებს რომის მასტერსია, რომელიც 8 მაისს აიღებს სტარტს.