არ არის მაგია, არ არის გოლი – XXXII ტური

იტალიაში წარა-მარა იცვლება ვითარება. ხან ვინ აღმოჩნდება უკეთეს სიტუაციაში და ხან ვინ. ერთი პერიოდი “ინტერმა” მოუკლო და ცხრილში პირველობაც ჩამოართვეს, თუმცა დაკარგული ქულებით ახლა ისევ ლიდერია. მართალია ის “მილანს” 2 ქულით ჩამორჩება, მაგრამ ერთი თამაში აქვს თადარიგში. ეს ყველაფერი იმის გამო ხდება, რომ “მილანმა” აგერ ზედიზედ მეორედ ითამაშა 0:0 და ერთბაშად 4 ქულა დაკარგა. თავად “ინერმა” 2 ფრეს 2 მოგება მოაყოლა და ისევ გაუჩნდა საჩემპიონო იმედი.

“ინტერის” წისქვილზე წყალი დაასხა “ნაპოლიმ”, რომელმაც ძალიან უდროო დროს წააგო, შინ საშუალო “ფიორენტინასთან” და მომდევნო ტურში მშვენიერ ფორმაში მყოფ “რომას” მიიღებს, რომელიც აუტსაიდერთან აგებდა და ბოლოსკენ, 82-ე და 85-ე წუთებზე გატანილი გოლებით მოიპოვა 3 ქულა. მოურინიოს გუნდი დიდი ხანია არ აგებს, ხოლოს მოგებით ზედიზედ სამი მატში გაიმარჯვა. მარტივი არ იქნება დაწევა, თუმცა “რომა” მე-4 ადგილს 5 ქულით ჩამორჩება, რომელზეც ის “იუვენტუსია” გამაგრებული, რომელსაც ასევე მატჩის შემოტრიალება მოუწია დარჩენისთვის მებრძოლ კუნძულელებთან.

„მილანი“ ზედიზედ 6 მატჩია გოლს არ უშვებს.

პიოლი: „მილანს“ უამრავი ნახევარმომენტი ჰქონდა, მაგრამ მაგია დაგვაკლდა“.

“ნაპოლიმ” ამ სეზონში 6 თამში წააგო და აქედან 5 – შინ.

“რომა” 11 მატჩია არ აგებს.

ალეგრი: „ჟურნალისტები ითხოვენ ლამაზ თამაშს, მაგრამ მარტო შედეგზე ლაპარაკობენ. ასე რომ, ჯობს გამაკრიტიკონ ცუდი თამაშისთვის მოგებული მატჩის შემდეგ“.

სერია ა – XXXII ტური

ემპოლი – სპეცია 0:0
ინტერი – ვერონა 2:0
კალიარი – იუვენტუსი 1:2
ჯენოა – ლაციო 1:4
ნაპოლი – ფიორენტინა 2:3
სასუოლო – ატალანტა 2:1
ვენეცია – უდინეზე 1:2
რომა – სალერნიტანა 2:1
ტორინო – მილანი 0:0

ორშაბათი, 11 აპრილი
ბოლონია – სამპდორია