ხულიან ალვარესმა პეპის სიტყვები გაიხსენა

მუნდიალის მოახლოვებასთან ერთად, მოთამაშეებს შორის მღელვარება რომ მატულობს ეს ლოგიკურია.

ისეთი კლუბი, როგორიც “სიტია” კიდევ უფრო გამორჩეულია, რადგან ლამის მთელი შემადგენლობა მიემგზავრება მუნდიალზე. არგენტინის ნაკრების ერთ-ერთმა ლიდერმა და გუშინ დუბლის შემსრულებელმა, ხულიან ალვარესმა კი გასახდელის დიალოგი გაიხსენა:

“სიტის გასახდელში ბიჭები მუნდიალის ფავორიტებზე საუბრობდნენ, მათ ახსენეს პორტუგალია, საფრანგეთი და სხვა ევროპული გრანდები, მე ხმას არ ვიღებდი. გვარდიოლამ კი თქვა – იცით ვის აქვს ყველაზე დიდი შანსი მსოფლიო ჩემპიონობის? – მან თითი ჩემკენ გამოიშვირა”.