წლის ფეხბურთელი მესი გახდა, მან რონალდოს 0.2%-ით გაასწრო: Goal.com-მა გულშემატკივრების რეიტინგი შეადგინა

პორტალმა Goal.com-მა 2021 წლის საუკეთესო ფეხბურთელების რეიტინგი შეადგინა. ჯილდოს მფლობელი გულშემატკივრების გამოკითხვის შედეგად გამოვლინდა – მათ საუკეთესო პირად დუელში უნდა გამოევლინათ. სულ გამოკითხვაში 14 მილიონი მომხმარებელი მონაწილეობდა.

34 წლის არგენტინელი ლეო მესი Goal.com-ის ვერსიით წლის ფეხბურთელია. საკმაო დრო მასთან ბრძოლაში რონალდო ლიდერობდა, მაგრამ ბოლოს ლეომ სულ მცირედით გადაასწრო კრიშტიანოს – 50.1% აიღო.
მესიმ ლევანდოვსკისთან პარიც მოიგო – 53.3% პოლონელის 46.7%-ის წინააღმდეგ. ამან საშუალება მისცა ლეოს რეიტინგის სათავეში აღმოჩენილიყო.

2021 წელს პსჟ-ს ახალწვეულმა „ბარსელონას“ რიგებში ლა ლიგის ბომბარდირობა მოიგო, მერე „ოქროს ბურთი“ და „ოქროც ბუციც“ აიღო კოპა ამერიკაზე, რომელიც არგენტინამ 1993 წლის შემდეგ როგორც იქნა მოიგო.

Goal.com რეიტინგის სხვა ნიმინანტები:

კრიშტიანო რონალდო, მანჩესტერ იუნაიტედი

რობერტ ლევანდოვსკი, ბაიერნი

მოჰამედ სალაჰი, ლივერპული

კილიან მბაპე, პსჟ

ერლინგ ჰაალანდი, ბორუსია

ქარიმ ბენზემა, რეალი

ნგოლო კანტე, ჩელსი

კევინ დე ბრუინი, სიტი

ნეიმარი, პსჟ