ჩემპიონთა ლიგის ოფიციალურმა გვერდმა ტურის საუკეთესო პერფორმანსში ხვიჩა შეიყვანა!

გოლი ვერ გაიტანა, მაგრამ არაერთი საფეხბურთო ექსპერტის შეფასებით, კვარაცხელიამ “ბოლონიასთან” ნეაპოლური კარიერის საუკეთესო პერფორმანსი შემოგვთავაზა.

გამარჯვების გოლისას ასისტი, 5 წარმატებული დრიბლინგი, 4 დარტყმა, 7 გამამწვავებელი პასი და აწიოკებული შეტევის მარცხენა ფლანგი!

ჰოდა, ჩემპიონთა ლიგის ოფიციალურმა თვითერ გვერდმა მისი პერფორმანსი ტურის ტოპ 4 ში მოახვედრა და მინი გამოკითხვაც შემოგვთავაზა.

კვარას კი ისეთი კონკურენტები შეხვდა, ამ სიაში მოხვედრაც უდიდესი მოვლენაა, ოღონდ ამ შემთხვევაში, იგულისხმება, ამ ტურის პერფორმანსი და არა ის, რომ ზოგადად სალაჰისა თუ ვალვერდეს გვერდით აღმოჩნდა.

მაგალითისთვის, მოჰამედ სალაჰმა “მანჩესტერ სიტის” საოცარი გოლი გაუტანა და პეპის ძალმოსილი გუნდის დამმარცხებელი გოლი შეაგდო.

Morning Reds! 👀pic.twitter.com/B3vfLE389A

— Anfield Watch (@AnfieldWatch) October 17, 2022

რაც შეეხება კეპას, ესპანელ მეკარეს “ბრენტფორდთან” შთამბეჭდავი მატჩი ჰქონდა. მხოლოდ პირველ ტაიმში მის ანგარიშზე 6 სეივი იყო და ექსპერტთა შეფასებით, ასეთი ტაიმი ბევრ მეკარეს კარიერაში არ ჰქონია.

Save of the season from Kepa, no debate. pic.twitter.com/Uz3ALmNDrD

— Chelsea Videos That Go Hard (@HardChelseaVids) October 17, 2022

ფედე ვალვერდემ კი “ელ კლასიკო” უმაღლეს დონეზე ჩაატარა – გოლიც გაიტანა და “ბარსას” მცველებს სისხლიც გაუშრო. ჰოდა, ასეთ სიაში მოხვედრა კვარაცხელიას პერფორმანსს ერთი-ორად ამაღლებს.

Real Madrid belongs to Fede Valverde. We are all fans… 😳#ElClasico #HalaMadrid pic.twitter.com/nOMNvcyqqn

— 𝗙𝗼𝗼𝘁𝗯𝗮𝗹𝗹 | 𝗙𝘂𝘁𝗯𝗼𝗹 | 𝗦𝗼𝗰𝗰𝗲𝗿 ⚽ (@offootball_1) October 16, 2022