in

ჩაკვე შემოვიდა და დახატა: ჩაკვეტაძის, კაშიას და კაჭარავას საგოლე პასები კონფერენს ლიგაზე

გუშინ, ევროპის კონფერენს ლიგაზე ჯგუფური ეტაპის მეოთხე ტურის შეხვედრები გაიმართა და თავი ქართველმა ლეგიონერებმაც გამოიჩინეს. თემურ ქეცბაიას ფამაგუსტას “ანორთოსისმა” ესტონუ “ფლორას” ესტუმრა და 2-ბურთიანი უპირატესობა გაანიავა. მატჩი ფრედ 2:2 დასრულდა. “ანორთოსისის” რიგებში 90 წუთის განმავლობაში ითამაშა და პირველ ტაიმში საგოლე პასი მიითვალა ნიკა კაჭარავამ.

ამავე ჯგუფში გიორგი ჩაკვეტაძის “გენტმა” ბელგრადის “პარტიზანს” უმასპინძლა და ფრე 1:1 ითამაშა. “ბუფალო” საკუთარ მოედანზე მარცხდებოდა და ის, რომ ბელგიელებმა მატჩის გადარჩენა მოახერხეს დიდწილად, სწორედ ქართველი შემტევის დამსახურებაა. ჩაკვეტაძე, რომელიც მოედანზე 71-ე წუთზე შევიდა, 80-ე წუთზე ტარიკ ტისუდალის გენიალური პასი გაუკეთა და გაატანინა. ამ მატჩის შემდეგ, “გენტმა” 10 ქულა დააგროვა და პლეი-ოფში გასვლა გაინაღდა.

ბრატისლავას “სლოვანმა” გიბრალტარის “ლინკოლნი” 4:1 გაანადგურა. გურამ კაშიამ და ჯაბა კანკავამ შეუცვლელად ითამაშემ. კაშიამ აღნიშნულ შეხვედრაში საგოლე პასი მიითვალა.

ხოჭოლავას “კოპენჰაგენმა” “პაოკი” 2:1 დაამარცხა. ხოჭოლავამ შეუცვლელად ითამაშა.

ავტორი Tato Nikuradze

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Loading…

0