ყველაფერი კარგად იქნება: ნაკრების ფეხბურთელებმა სანაიას მხარდაჭერა გამოუცხადეს

საქართველოს ნაკრებმა 2021 წელი ზედიზედ სამი გამარჯვებით დაასრულა. მსოფლიო ჩემპიონატის შესარცევ ციკლში კოსოვოსა და შვედეთის ნაკრების დამარცხების შემდეგ, უზბეკეთი 1:0 დაამარცხა.

მატჩის დაწყებამდე საქართველოს ნაკრების ფეხბურთელებმა ეროვნული გუნდის ექს-ფეხბურთელს ამირან სანაიას მხარდაჭერა გამოუცხადეს. მოედანზე გამოსვლისას ფეხბურთელებმა სიმბოლურად სანიას 13-ნომრიანი მაისური გამოიტანეს. შეგახსენებთ, სანაია ნაკრებში, სწორედ 13 ნომრიანი მაისურით თამაშობდა. 32 წლის სანიას, რომელიც ბოლოს ფრანგული “როდეზის” ღირსებას იცავდა, სიმსივნე დაუდგინდა და იგი დროებით ფეხბურთს ჩამოშორდა.

ამირან სანაიას კარიერის უდიდესი ნაწილი საფრანგეთში აქვს გატარებული, სადაც: “ლე მანის”, “ბასტიას”, “ლუზენაკის”, “პარიზისა” და “ლე ერბიეს” ღირსებას იცავდა, ხოლო 2017 წლიდან “როდეზის” შემადგენლობაში ირიცხება.

ამირან სანაია საქართველოს ნაკრებში 2007-2009 წლებში თამაშობდა და 6 შეხვედრა ჩაატარა.