ფერნანდუ სანტუში: რონალდუს სკამზე დასმას არ ვნანობ

პორტუგალიის ნაკრების მესაჭემ, ფერნანდუ სანტუშმა კრიშტიანუ რონალდუს სათადარიგო სკამზე დასმის შესახებ ისაუბრა:

“არაფერს ვნანობ, რონი უდიდესი მოთამაშეა, მაგრამ მის სკამზე დასმას არ ვნანობ, რადგან მას ყველაზე საჭირო დროს ვიყენებდი.

რატომ დავმარცხდით? – იღბალი. ყველაფერი სწორად კეთდებოდა, იყო კრეატივი, არაერთი საინტერესო იერიში და მცდელობა, მაგრამ რიგ მომენტებში უიღბლობამ იჩინა თავი და ამიტომაც დავმარცხდით”.

პორტუგალიის ნაკრები მუნდიალს 1/4 ფინალური ეტაპიდან დაემშვიდობა მაროკო კი 1/2 ფინალში ხვალ ითამაშებს.