საქართველოს წყალბურთელთა ნაკრებმა მსოფლიო ჩემპიონატზე მესამე მატჩი ითამაშა. ჩვენები მასპინძელთა ძლიერ ნაკრებს დაუპირისპირდნენ და შეხვედრა დათმეს – 14:18.
ეს ჯგუფური ეტაპის ბოლო შეხვედრა გახლდათ, რომელსაც უნდა გაერკვია, საქართველო პლეი-ოფში ვის შეხვდებოდა – ხორვატიას თუ იაპონიას. საბოლოოდ გვერგო ხორვატია. საქართველოსა და ხორვატიას შორის გამარჯვებული გავა კიდეც მსოფლიო ჩემპიონატის 1/4 ფინალში.
![](https://avoe.ge/wp-content/uploads/2022/10/288521132_1021182668757976_7946387033381127354_n-1024x683.jpg)
ფავორიტ უნგრეთთან თამაში კი ბევრისთვის მოულოდნელად დაიწყო – ანგარიშიც ჩვენ გავხსენით და 3:1 დავწინაურდით კიდეც. თუმცა მასპინძლებმა პირველივე მეოთხედში მოახერხეს ანგარიშის გათანაბრება.
მეორე ნახევარში უნგრელებმა დაცვაში უფრო ყურადღებით თამაში დაიწყეს, კონტრშეტევებზეც სწრაფად გადადიოდნენ და მეორე მეოთხედში სამბურთიანი უპირატესობაც მოიპოვეს.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
![](https://avoe.ge/wp-content/uploads/2022/10/288935056_1021182702091306_7858856741402395406_n-1024x683.jpg)
საერთო ჯამში, საქართველო ძალიან ღრსეულად ეთამაშა ერთ-ერთ ყველაზე ძლიერ მეტოქეს, ბევრ კომპონენტში არც ჩამორჩა, მოწინააღმდეგეს დიდად დაწინაურების საშუალებას არ აძლევდა და ეს შეხვედრა პოზიტიურად უნდა შეფასდეს.
უნგრეთი – საქართველო 18:14
3:3, 7:3, 5:5, 4:3
საქართველო: რაზმაძე – ადეიშვილი, დადვანი, შუშიაშვილი, ბითაძე, იელაჩა, ჯახაია, სარიჩი, იმნაიშვილი, ვაპენსკი, ბარალდი, ვასიჩი.
![](https://avoe.ge/wp-content/uploads/2022/10/290134216_1021134122096164_4967533842415500250_n-1024x1024.jpg)
GIPHY App Key not set. Please check settings