სპანდერაშვილი საფრანგეთში წავიდა

26 წლის ილია სპანდერაშვილი მომავალი სეზონიდან კარიერას საფრანგეთის რანგით მეორე დივიზიონის (PRO D2) კლუბ “ვალენს რომანსში” გააგრძელებს. ფრანგულმა კლუბმა ტრანსფერი ოფიციალურად დაადასტურა. საქართველოს ნაკრების მესამე ხაზელი “ვალენს რომანსის” ღირსებას მომავალი 2 სეზონი დაიცავს.

ილია სპანდერაშვილისთვის “ვალენსი” პირველი ფრანგული კლუბი იქნება. მანამდე, იგი “არმიას”; “არმაზის”; პენზას “ლოკომოტივის” და “შავი ლომის” ღირსებას იცავდა.

ილია სპანდერაშვილს “ბორჯღალოსნების” კვართით 8 შეხვედრა აქვს ჩატარებული და მის ანგარიშზე 2 ლელოა.

შეგახსენებთ, სპანდერაშვილი წელს “რაგბი ევროპის ჩემპიონატის” ტურნირის საუკეთესო მორაგბედ დასახელდა.