საქართველოს ფუტსალის ეროვნულმა ნაკრებმა მსოფლიო ჩემპიონატის ელიტ რაუნდი გამარჯვებით დაასრულა.
ავთანდილ ასათიანის გუნდმა, თბილისის სპორტის სასახლეში მსოფლიოს და ევროპის მოქმედ ჩემპიონს, დაუმარცხებლად მოასპარეზე პორტუგალიის ნაკრებს 2:1 სძლია.
გატანილი გოლების გარეშე დასრულებული პირველი ნახევრის შემდეგ, პორტუგალიის ნაკრებმა ანგარიში მეორე ტაიმის დებიუტში გახსნა. 33-ე წუთზე გიორგი ჩიმაკაძის პასით ანგარიში ჩიმბამ გაათანაბრა, გამარჯვების გოლი კი, 38-ე წუთზე გიორგი ღავთაძემ გაიტანა და მატჩის საბოლოო ანგარიში დააფიქსირა.
აღსანიშნავია, რომ პორტუგალიელებს 42 ოფიციალური თამაში არ ჰქონდათ წაგებული და ავთანდილ ასათიანის გუნდმა ეს სერია შეაწყვეტინა.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
შეგახსენებთ, რომ საქართველო მსოფლიო ჩემპიონატზე ვეღარ ითამაშებს – პორტუგალიელების და ფინელების საჩივრის გამო, საქართველოს ნაკრებს 6 ქულა ჩამოართვეს და ჯგუფის მეორეადგილოსანი საბოლოოდ, მესამე ადგილზე დაქვეითდა, მეორეადგილოსანის სტატუსი კი ფინეთმა მიიღო.
![](https://sport4me.ge/wp-content/uploads/2023/12/kjr-59-of-167-1024x654.jpg)
![](https://sport4me.ge/wp-content/uploads/2023/12/kjr-88-of-167-1024x683.jpg)
![](https://sport4me.ge/wp-content/uploads/2023/12/kjr-120-of-167-1024x678.jpg)
![](https://sport4me.ge/wp-content/uploads/2023/12/kjr-132-of-167-1024x660.jpg)
![](https://sport4me.ge/wp-content/uploads/2023/12/kjr-43-of-167-1024x628.jpg)
GIPHY App Key not set. Please check settings