რუსთავმა ვალენსიას ფიფაში დავა მოუგო: კლუბი მამარდაშვილისთვის კომპენსაციას მიიღებს

გიორგი მამარდაშვილის მშვენიერი სათამაშო ფორმა ერთ-ერთი მთავარი განსჯის საგანია. მოგეხსენებათ, გიორგი „დინამოს“ აკადემიის აღზრდილია, მაგრამ 2019 წელს ის „რუსთავს“ ისე შეუერთდა, რომ დედაქალაქურ გუნდში არ უთამაშია. ამის გამო „რუსთავმა“ ფიფას დავების განმხილველ პალატაში სარჩელი შეიტანა, რადგან ფეხბურთელი განავითარა, მისცა წუთები და მის პროგრესში ლომის წვლილი დაიდო.

ფიფამ გადაწყვეტილება გამოაცხადა და „ვალენსიას“ „რუსთავისათვის“ ფულადი კომპენსაციის გადახდა დააკისრა, მაგრამ ზუსტი ოდენობა ჯერ უცნობია. ისე კი, „დინამომ“ მამარდაშვილის სანაცვლოდ ჯამურად მილიონ ევროზე ცოტა მეტი მიიღო.