მეკარეების უძვირესი ტრანსფერები: სად იქნება მამარდა

ცოტა და გიორგი მამარდაშვილი “ლივერპულის” მეკარე გახდება. მსოფლიო საკლუბო ფეხბურთის ერთ-ერთი გრანდი “ვალენსიას” 35 მილიონ ევროზე შეუთანხმდა.

ეს იქნება სარეკორდო ტრანსფერი ქართული ფეხბურთის ისტორიაში. ასევე, იმედია, ეს იქნება რეკორდი, რომელიც არაერთხელ გაუმჯობესდება და დღესდღეობით ამის ნიშნები არსებობს.

მეკარეებში ყველა დროის ყველაზე ძვირ ტრანსფერებს შორის კი საქართველოს ნაკრების გოლკიპერი მე-6 პოზიციაზე იქნება ყოფილ თანაგუნდელ იასპერ სილესენსა და ტიბო კურტუასთან ერთად.

ამ დროისთვის კი, ვიდრე მამარდაშვილის ლივერპულური ტრანსფერი ჯერ კიდევ არ არის გაოფიციალურებული, მეკარეთა შორის მსოფლიოს ყველაზე ძვირადღირებული ტრანსფერების ათეული ასე გამოიყურება:

მეკარე საიდან სად მლნ € სეზონი

კეპა არისაბალაგა ბილბაო > ჩელსი 80,0 მლნ ევრო
ალისონ ბეკერი რომა > ლივერპული 62,5
ჯანლუიჯი ბუფონი პარმა > იუვენტუსი 52,9
ანდრე ონანა ინტერი > მან. იუნაიტედი 50,2
ედერსონ სანტანა ბენფიკა > მან. სიტი 40,0
6-7. იასპერ სილესენი ბარსელონა > ვალენსია 35,0
6-7. ტიბო კურტუა ჩელსი > რეალი 35,0
დავიდ რაია ბრენტფორდი > არსენალი 31,9
მანუელ ნოიერი შალკე > ბაიერნი 30,0
ჯორდან პიკფორდი სანდერლენდი > ევერტონი 28,5