in

კვირკველია პრეზიდენტს სურს, კაკაბაძემ კრაკოვია ავსტრიაში დაიწყო

ბუქარესტის „სტიაუას“ პრეზიდენტ ჯიჯი ბეკალის საბა კვირკველიას მიყვანა სურს, ხოლო სპორტული დირექტორი მისთვის სასურველ ფეხბურთელებს ლობირებს.
კომენტარები ამ თემაზე არაერთი გაკეთდა.
ბეკალიმ გუნდში ორი ცენტრალური მცველი მიიყვანა (ჯოისკიმ დაუა და რაშიდ ბუენა) და პლუს ტანმაღალი საბა კვირკველიაც სურს.

მიჰაი სტოიკა კი ამბობს, რომ მოთამაშეებს კიდევ დაიმატებენ მხოლოდ იმ შემთხვევაში, თუ „სტიაუა“ კონფერენსლიგის ჯგუფურ ეტაპზე მოხვდება.

თუმცა ბეკალი შეუვალია:
„მოლაპარაკება გვაქვს ქართველთან, რომელიც ევროკავშირის მოქალაქე არ არის. მას ხელფასად 15 ათასი ევრო უნდა. ის 196 სმ სიმაღლისაა. არ მაინტერესებს, ვინ რას ამბობს და არ მჭირდება ემოციები“.

ამასობაში„კრაკოვიასთან“ ერთად ავსტრიულ შეკრებაზე გაემგზავრა ოთარ კაკაბაძე.
პოლონურმა კლუბმა ორი სპარინგი უკვე გამართა. პირველ შეხვედრაში ავსტრიულ „ლინცერს“ დაუპირისპირდა და 2:0 მოუგო. ჩვენიანი მეორე ტაიმში შევიდა და ყვითელი ბარათი მიიღო.
„კრაკოვია“ ამის მერე პირეოსის „ოლიმპიაკოსს“ შეხვდა და 0:0 ითამაშა. კაკაბაძე უკვე ძირითდში იყო და მეორე ნახევარში შეცვალეს.

ავტორი Vakhtang Daraselia

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Loading…

0