იტალია ევრო 2020-ის მატჩებზე მაყურებლის მისაღებად მზადაა

2020 წლის ევროპის ჩემპიონატი, რომელიც პანდემიის გამო ერთი წლით გადაიდო, დიდი ალბათობით, მაყურებლების თანდასწრებით გაიმართება. გუშინ გვეწერა, რომ ავტორიტეტული ბრიტანული კომპანია BBC ავრცელებდა ინფორმაციას, ევროპის ქვეყნები მზად არიან ევრო 2020-ის მატჩებზე ქომაგების დასაშვებლად.

რამდენიმე წუთის წინ, იტალიურმა გამოცემამ იტალიის ფეხბურთის ასოციაციის პრეს-სამსახურზე დაყრდნობით გაავრცელა ინფორმაცია, რომ იტალიაში მზად არიან სტადიონზე მაყურებლები არა 25%-ით, არამედ მეტითაც კი დაუშვან. რა გადაწყვეტილებას მიიღებს უეფა, ამაზე საბოლოო პასუხი 20 აპრილამდე გახდება ცნობილი.

ევრო 2020-ის ქალაქები მაყურებლისთვის მზად არიან: რას გადაწყვეტს უეფა

ევრო 2020 11 ივნისიდან 11 ივლისამდე გაიმართება. რომის “სტადიო ოლიმპიკო” ჩემპიონატის გახსნით მატჩს, ჯგუფური ეტაპის კიდევ ორ შეხვედრას და ერთ მეოთხედფინალურ მატჩს უმასპინძლებს.