ზედიზედ მეორედ – საფრანგეთის ნაკრები ფინალშია!

ყველაფერი გაირკვა და დაგვრჩა ორი მატჩი – ფინალი და ბრძოლა მესამე ადგილისთვის.

ალბისელესტე მეტოქეს უცდიდა და ეს მეტოქე, მსოფლიოს მოქმედი ჩემპიონი, საფრანგეთი იქნება. მაროკოული ზღაპარი დასრულდა? – ეს ხალხი, უკვე გმირია, შესაბამისად, მათზე აუგი ვერავის დასცდება.

ფრანგებმა საქმე თავიდანვე დაიწყეს და მე-5 წუთზე ტეო ერნანდესმა ანგარიში გახსნა. ამის შემდეგ იყო არაერთი მომენტი ორივე გუნდის კართან, მაგრამ 79-ე წუთამდე ანგარიში არ შეცვლილა. კოლო მუანიმ ფრანგულ ოცნებას ფრთები შეასხა და ანგარიში 2:0 გახადა.

18 დეკემბერს, ფინალში ერთმანეთის პირისპირ – არგენტინა Vs საფრანგეთი.