ზედიზედ მეორედ – გერმანია ჯგუფში ჩარჩა!

სრული კოლაფსი, ბუნდეს ნაკრები ზედიზედ მეორე მუნდიალია ჯგუფში ჩარჩა და ამ მასშტაბის კრიზისი გერმანულ ფეხბურთს, უბრალოდ არ ახსოვს.

გერმანიამ გუშინ 4:2 მოიგო, მაგრამ ეს საკმარისი არ აღმოჩნდა. პარალელურ მატჩში იაპონიამ ესპანეთს 0:1-დან დაუქამბექა და 2:1 მოუგო, შესაბამისად, გერმანიამ და ესპანეთმა თანაბარი, 4-4 ქულა დააგროვეს, მაგრამ ფურია როხას პირველ ტურში 7:0 ჰქონდა მოგებული და მუნდიალზე პრიორიტეტი, სწორედ ბურთების სხვაობას ენიჭება.

საინტერესოა, ახლა რა იქნება, რადგან გერმანელებს ასეთი კრიზისები არ სჩვევიათ, შესაბამისად, მყისიერი რეაგირების მოლოდინი ლეგიტიმურია.