ზაფხულში რეალი ვარანს გაყიდის

მადრიდის “რეალი” ერთი წელია უშედეგოდ ცდილობს სერხიო რამოსთან ახალი კონტრაქტის გაფორმებას. სერხიო რამოსის შემდეგ, “სამეფო კლუბს” რაფაელ ვარანის პრობლემაც დაემატა. ფრანგ მცველს მადრიდულ კლუბთან კონტრაქტი 2022 წლის ზაფხულში უმთავრდება და ესპანური “Marca”-ს ინფორმაციით, “ბლანკოსი” 27 წლის ფეხბურთელის გაყიდვას ამავე ზაფხულში შეეცდება, რომ 2022 წელს ვარანმა კლუბი თავისუფალი აგენტის სტატუსით არ დატოვოს.

27 წლის ფრანგი ფეხბურთელი ფრანგული “ლანსის” აღზრდილია. მადრიდის “რეალში” იგი 2011 წლიდან გამოდის რა დროის განმავლობაშიც: 4 ჩემპიონთა ლიგა; 3 ესპანეთის ჩემპიონობა; 1 ესპანეთის თასი და 3 ესპანეთის სუპერთასი მოიგო.

გერმანული Trasnfermarket-ის მიხედვით, რაფელ ვარანის ამჟამინდელი სატრანსფერო ღირებულება 70 მილიონი ევროა.