ვილი სანიოლი: მამარდაშვილს ორი თვეა არ უთამაშია და უთამაშებელი მეკარის გამოძახება იმიჯისთვის ცუდი იყო

საქართველოს ნაკრები 2021 წლის ბოლო მატჩებისთვის ემზადება. “ჯვაროსნები” 2022 წლის მსოფლიო ჩემპიონატის შესარჩევი ციკლის ბოლო მატჩში , ბათუმის “აჭარაბეთ არენაზე” შვედეთს უმასპინძლებენ. 15 ნოემბერს კი, “თენგიზ ბურჯანაძეზე” უზბეკეთს ამხანაგურად გაეჯიბრებიან. ნაკრების განაცხადში არ არის ესპანური “ვალენსიას” მეკარე გიორგი მამარდარვილი, რომელიც 21-წლამდელთა ნაკრებშია გამოძახებული. მის ნაცვლად სანიოლმა გორის “დილას” 22 წლის კარის დარაჯს ლუკა გუგეშაშვილს უხმო.

ლუკასთვის ეს ნაკრებში პირველი გამოძახებაა. მეკარეების თემაზე ვილი სანიოლმა გადაცემაში “სპორტი იმედზე” ისაუბრა.

“გიორგი მამარდაშვილი “ვალენსიაში” დიდი ხანია უთამაშებელია. მან კლუბში ბოლოს ორი თვის წინ ითამაშა. უთამაშებელი მეკარის გამოძახება ნაკრების იმიჯისთვის ცუდი იყო და ამიტომაც მამარდაშვილი 21-წლამდელთა ნაკრებს დავუთმეთ. ლუკა გუგეშაშვილი ეროვნულ ლიგაში გამორჩეული მეკარეა. კარგ სეზონს ატარებს და მან ეს შანსი დაიმსახურა”, – თქვა ვილი სანიოლმა.

ვილი სანიოლი: ჩვენ არ გვყავს მესი და ნეიმარი – გადაჭარბებული მოლოდინი არ უნდა შევიქმნათ