in

ეს ქალი აღარ დამანახოთ: რონალდო მაიორგას საქმეზე ფულს აქეთ ითხოვს

კრიშტიანო რონალდოს სურს, რომ 625 ათას დოლარზე მეტი ამოიღოს კეტრინ მაიორგას ადვოკატისგან.

Associated Press წერს, რომ ფეხბურთელის ადვოკატმა პიტერ კრისტიანსენმა ამერიკის საოლქო სასამართლოში სარჩელი შეიტანა.

10 ივნისს მოსამართლე დორსიმ დაადგინა, რომ საჭიროა მაიორგას ინტერესების დამცველი ადვოკატი ლესლი სტოვალა დაისაჯოს „არაკეთილსინდისიერი მოქცევისთვის“. მოსამართლის დადგენილებით, სტოვალა ეთიკის „ზღვარს გადავიდა“. საუბარი იმაზეა, რომ დოკუმენტებმა გაჟონა და ხელმისაწვდომი გახდა.

42-გვერდიან გადაწყვეტილებაში დორსიმ განაცხადა, რომ მაიორგას სარჩელზე სრული უარი ეთქვას, თანაც სასამართლოსთვის ხელახლა მიმართვის უფლების გარეშე. ასევე დორსიმ დააზუსტა, რომ სტოვალას საქციელმა რონალდოს ზიანი მიაყენა.

რონალდოს ადვოკატის დათვლით, ვექილის ჰონორარები საათში 350-დან 850 დოლარამდე შეადგენს. მათ კი 1200 საათი იმუშავეს.

შეგახსენებთ, მაიორგა ამტკიცებდა, რომ რონალდომ ის 2009 წელს ლას ვეგასში გააბახა. შეურაცხყოფილი ქალი ამტკიცებდა, რომ ფეხბურთელისგან 375 ათასი დოლარი მიიღო დუმილისთვის. პორტუგალიელმა მოგვიანებით ფულის გადაცემა აღიარა.

2020 წლის ოქტომბერში ქალმა სასამართლო გარჩევების ახალი მცდელობა წამოიწყო.
ივნისში ცნობილი გახდა, რომ ექს-მოდელის სარჩელი უარყოფილია, რომელიც 56 მილიონ ფუნტს ითხოვდა კომპენსაციის სახით.

ავტორი Vakhtang Daraselia

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Loading…

0