დღეს საქართველო ოლიმპიადაზე მოხვედრისთვის ბრძოლას იწყებს

საქართველოს საკალათბურთო ნაკრები რიგაშია, სადაც დღეიდან 7 ივლისის ჩათვლით ოლიმპიადის საკვალიფიკაციო ტურნირი ჩატარდება. 6 გუნდი – ლატვია, საქართველო, ფილიპინები (A ჯგუფი), ბრაზილია, მონტენეგრო, კამერუნი (B ჯგუფი) – ოლიმპიადის ერთი საგზურისთვის იბრძოლებს.

ნახევარფინალში თითოდან 2-2 საუკეთესო გავა. პლეი ოფში გუნდები ჯვარედინი სისტემით დაწყვილდებიან: A1 vs B2, B1 vs A2. ოლიმპიადის საგზურს ფინალის მომგები გუნდი მიიღებს.

საქართველო პირველ მატჩს დღეს ლატვიასთან გამართავს. თამში 20:00 საათზეა.

ტურნირისთვის მზადება საქართველოს ნაკრებმა 1 ივნისიდან თბილისში დაიწყო, იტალიაში გააგრძელა და ლატვიაში დაასრულა. იურმალაში ორი ვარჯიში და ორი სპარინგი გვქონდა: 1 ქულით წავაგეთ კამერუნთან, ხოლო ეგვიპტეს 32 ქულით ვაჯობეთ.