დღეს, თბილისის „დინამო“ ესტონურ „პაიდეს“ უმასპინძლებს და კონფერენს ლიგაზე ქართული გუნდების გამოსვლაც დაიწყება.
მატჩამდე „დინამოს“ ახლად დანიშნულმა მთავარმა მწვრთნელმა, გია ჭიაბრიშვილმა ჟურნალისტთა შეკითხვებს უპასუხა.
![](https://avoe.ge/wp-content/uploads/2022/10/292509964_5222371994505491_2075032101214616828_n-819x1024.jpg)
ბათუმის „დინამოსთან“ მარცხზე:
ჩემი აზრით, ამ მატჩმა ბევრ რამეს მოჰფინა ნათელი. პირველ რიგში, გამოიკვეთა პრობლემური რგოლები და ეს, მხოლოდ მეკარისა და მცველების ბრალი არ ყოფილა. იმ ზონამდე მოწინააღმდეგე ნახევარმცველებმა და ფორვარდებმა მოუშვეს. 1:4 ცუდი იყო, მაგრამ ვინ იცის, ამ მატჩმა დიდი გავლენა იქონიოს ჩვენს მომავალ პერფორმანსზე.
„პაიდეს“ შესახებ:
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
წარსულში არაერთგზის გვინახავს, რომ ქართულ გუნდს შედარებით ძლიერი მოწინააღმდეგე გამოუთიშია ასპარეზობას და იოლთან დამარცხებულა, შესაბამისად, ყველას ერთნაირი მობილიზებით უნდა შევხვდეთ. მჯერა, რომ შემდეგ ეტაპზე გავალთ.
სატრანსფერო პოლიტიკაზე:
მესმის შეკითხვის არსი და ვიცით, რომ ყველა რგოლში გვჭირდება გაძლიერება, მაგრამ ძალიან რთული პერიოდია ტრანსფერების გასაკეთებლად. შემიძლია გითხრათ, რომ რამდენიმე ფეხბურთელთან მოლაპარაკებას ვაწარმოებთ.
„არარატ არმენიას“ შესახებ:
ამ მომენტში, მხოლოდ „პაიდეზე“ ვფიქრობ. როდესაც პაიდეს ბარიერს გავივლით და დარწმუნებული ვარ, რომ ასე იქნება, შემდეგ ვიფიქრებ „არარატზე“. ასე უნდა მივუდგეთ ყველა მეტოქეს რიგობითობის დაცვით.
გულშემატკივრის ფაქტორი:
გულშემატკივრის გარეშე წარმატების მიღწევა ძალიან რთულია. მინდა ყველას ვთხოვო, რომ მოვიდნენ სტადიონზე და გვიქომაგონ.
შეგახსენებთ, მატჩი თბილისის დროით 21 საათზე დაიწყება და მისი ხილვა სეტანტასპორტსზე შეგეძლებათ.
![](https://avoe.ge/wp-content/uploads/2022/10/292225453_5220403584702332_6046042559118569359_n-819x1024.jpg)
GIPHY App Key not set. Please check settings