ესპანეთის რანგით მე-2 ლიგა LEB Gold-ში თავი გამოიჩინა ბექა ბურჯანაძემ. ლეიმა კორუნას ქართველმა ფორვარდმა მიმდინარე ტურნირში პირველი ორმაგი დუბლი შეასრულა. ბურჯანაძის გუნდმა “მელილას” უმასპინძლა და 97:82 დაამარცხა, ბექა კი ერთადერთი იყო, ვინაც 2 სტატისტიკური მაჩვენებელი ორნიშნა რიცხვით გამოსახა.
ბურჯანაძე თამაშში სათადარიგოთა სკამიდან ჩაება და მოედანზე 20:07 წუთი გაატარა. ქართველმა ფორვარდმა 13 ქულა, 11 მოხსნა და 1 პასი დააგროვა. ბექამ 4-დან ერთი ორქულიანი, 6-დან 3 სამქულიანი და 2-დან 2 საჯარიმო ჩააგდო. ლეიმა კორუნას რაფაელ ბარუეტამ 23 ქულით ულიდერა, თუმცა სარგებლიანობით საუკეთესო ბურჯანაძე იყო და მატჩის MVP-ის ტიტულიც ქართველს გადასცეს.
13 მოგებითა და 4 მარცხით ლეიმა კორუნა მე-2 ადგილზეა. ბურჯანაძია გუნდი მომდევნო ტურში ესტელას ესტუმრება, რომელიც 18-გუნდიან ლიგაში მე-13 ადგილზეა.
![](https://sport4me.ge/wp-content/uploads/2024/01/419429239_920119833106563_996213604660968048_n-768x850-1.jpg)
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
GIPHY App Key not set. Please check settings