ახალგაზრდული საქართველო პლეი-ოფში ხორვატიას შეხვდება: როდისაა თამაშები

საქართველოს 21-წლამდელთა ნაკრები ევრო 2025-ის პლეი-ოფში ხორვატიას შეხვდება.

უეფას ნიონის ოფისში ევროპის 2025 წლის ახალგაზრდული ჩემპიონატის პლეი-ოფის წილისყრა გაიმართა, რომელსაც საქართველოს 21-წლამდელთა ნაკრების მეტოქე უნდა გაერკვია.

თამაშები 14 და 19 ნოემბერს გაიმართება, შინ და გარეთ. საქართველო პირველ მატჩს შინ ჩაატარებს.

რამაზ სვანაძის გუნდმა 21-წლამდელთა ევროპის ჩემპიონატის შესარჩევ ციკლში მეორე ადგილი დაიკავა და ისტორიულ შედეგს მიაღწია. გუნდს ზედიზედ მეორედ აქვს შანსი, ფინალურ ტურნირზე იასპარეზოს.

პლეი-ოფის წყვილები:

საქართველო-ხორვატია
ფინეთი-ნორვეგია
ბელგია-ჩეხეთი

ამ დროისთვის ფინალურ ეტაპზე გავიდნენ: სლოვაკეთი (მასპინძელი), ინგლისი (ჩემპიონი), დანია, საფრანგეთი, გერმანია, იტალია, ნიდერლანდები, პოლონეთი, პორტუგალია, რუმინეთი, სლოვენია, ესპანეთი, უკრაინა.

2025-ის ფინალური ეტაპი სლოვაკეთში 11-დან 28 ივნისამდე გაიმართება.