ახალგაზრდა ბორჯღალოსნებმა შოტლანდია გადათელეს

20 წლამდე ექვსი ერის ზაფხულის სერიის მესამე ტური ქართველი მორაგბეების ტრიუმფით დასრულდა. უმცროს ბორჯღალოსნებს ორიდან ორი მატჩი ჰქონდათ წაგებული, მაგრამ დასვკნით ტურში შოტლანდია, უბრალოდ გადათელეს.
საწყის 10 წუთში სქოთები 0:10 გაიქცნენ, მაგრამ ერთი-მეორის მიყოლებით ქართველებმა მოლები ააგორეს და ლელოს-ლელო დაამატეს. უკვე პირველ ტაიმში ანგარიში 26:10 იყო.

მეორე ტაიმში ბევრი არაფერი შეცვლილა გარდა იმისა, რომ ქართველებმა შეტევაში რისკს და ბურთის მეტად გაშლას უმატეს. ამანაც ჩინებულად იმუშავა და საბოლოოდ, საქართველოს 20 წლამდე ნაკრებმა შოტლანდია 55:17 გაანადგურა.

ამ გამარჯვებით, საქართველო ბოლოსწინა საფეხურზე გავიდა, სქოთები კი ბოლოზე.