სამხრეთ აფრიკელი მილიარდერი პატრის მოტსეპე აფრიკის ფეხბურთის კონფედერაციის (CAF) ახალ პრეზიდენტად აირჩიეს 5 წლის ვადით.
ახალი თავკაცის არჩევა რაბატში (მაროკო) მიმდინარე კონფედერაციის 43-ე გენერალურ ასამბლეაზე მოხდა.
59 წლის მოტსეპე თავისი ქვეყნის ისტორიაში ერთ-ერთი ყველაზე მდიდარი ბიზნესმენია. მის მფლობელობაშია საფეხბურთო კლუბი „მამელოდი სანდაუნსი“. მისი დის ქმარია სამხრეთ აფრიკის პრეზიდენტი სირილ რამაფოსა.
![](https://avoe.ge/wp-content/uploads/2022/10/malema-rama-and-motsepe-678x381-1.jpg)
სამხრეთ აფრიკელი ამ პოსტზე წარმოშობით მადაგასკარელ ახმად ახმადს შეცვლის. 2020 წლის ბოლოს ის 5 წლით ნებისმიერ საფეხბურთო საქმიანობას ჩამოაშორეს კორუფციაში ბრალდების გამო.
მოტსეპე ერთადერთი კანდიდატი იყო. მან მხარდაჭერა მიიღო ფიფასგან და პრეზიდენტ ჯანი ინფანტინოსგან. წილისყრამდე კანდიდატურები მოხსნეს კოტ დივუარის, მავრიტანიისა და სენეგალის წარმომადგენლებმა.
![](https://avoe.ge/wp-content/uploads/2022/10/76d5879d07bcdb8a653e972f6d06402a.jpg)
„დიდი მილოცვა პატრის მოტსეპეს ამ ახალი როლის გამო“, – დაწერა ტვიტერზე კამერუნის ნაკრების ყოფილმა თავდამსხმელმა და ზოგადად აფრიკული ფეხბურთის ლეგენდამ სამუელ ეტოომ.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
![](https://avoe.ge/wp-content/uploads/2022/10/EwR1GJKWYAIvklH-768x1024.jpg)
GIPHY App Key not set. Please check settings