ჩელენჯ თასის ბოლო ტურის წინ აჟიოტაჟი ატყდა, „შავმა ლომს“ ჯგუფიდან გასვლის შანსი მიეცა და გულშემატკივარს მხარდაჭერისკენ მოუწოდეს. თუმცა ამოცანა ურთულესი იყო: ჯერ მარტო „კლერმონის“ მოგება არ არის პატარა ამბავი და თან უნდა დაგვედო 4 ლელო და მოგვეგო 9 ქულით მაინც. ძალიან ძლიერი მეტოქის წინააღმდეგ ასეთი ამოცანა კი არა, საერთოდ ბრძოლა ვერ გავუმართეთ – 3:36.
ანგარიშიდანაც ჩანს, ვის მხარეს იყო უპირატესობა.
პირველი ნახევრის საწყის ნაწილს არ ჩავთვლით, ტაიმი სტუმრების უპირატესობით წარიმართა და უფრო მიწურულისკენ ორი ლელოს დადება მოახერხეს, რასაც ჩვენებმა ერთი ზუსტი ჯარიმით უპასუხეს – 3:17.
თამაშის სურათი არც მეორე ტაიმში შეცვლილა. უპირატესობას ლეგიონერებით გაძეძგილი ფრანგები ფლობდნენ (5 ქვეყნის ეროვნული ნაკრების მორაგბეები ჰყავს), აქტივს კიდევ სამი ლელო მიამატეს და ბონუსქულით აქეთ მოგვიგეს. დერეფანში ძალიან სუსტად ვითამაშეთ.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
![](https://sport4me.ge/wp-content/uploads/2024/01/421255056_765787808914167_830857984181009282_n-1024x818.jpg)
შავი ლომი – კლერმონი 3:36
შავი ლომი (15-9): მოდებაძე (ცირეკიძე 63), ტაბუცაძე, კვესელაძე (კახოიძე 55), შარიქაძე, თოდუა, მატკავა, მარგალიტაძე;
(1-8): აბდუშელიშვილი (ხატიაშვილი 60), ზამთარაძე (ქვათაძე 60), ჩხარტიშვილი (ჭუმბაძე 60), ეფრემიძე (ჭეიშვილი 61), ბაბუნაშვილი, ივანიშვილი, მამამთავრიშვილი, სპანდერაშვილი.
ს: მატკავა
![](https://sport4me.ge/wp-content/uploads/2024/01/421414961_17988842378614359_33788849978087247_n-1024x1024.jpg)
ლევან მაისაშვილის ხელმძღვანელობით „შავმა ლომმა“ ბოლო შეხვედრა ჩაატარა. ამიერიდან გუნდის მწვრთნელი რიჩარდ კოკერილი იქნება.
შეგახსენებთ, რომ „შავმა ლომმა“ ჩელენჯ თასზე გამოსვლა ერთ მოგებითა და სამი მარცხით დაასრულა და გათამაშებას გამოეთიშა.
![](https://sport4me.ge/wp-content/uploads/2024/01/421432631_17988842318614359_1898944174757408052_n-1024x1024.jpg)
GIPHY App Key not set. Please check settings