არის ასეთი კაცი, კვარაცხელია… როგორ მიაგნო ნაპოლიმ ხვიჩას

„ნაპოლის“ მოულოდნელი და დიდებული თამაში სეზონის პირველ ნაწილში ყველასთვის სიურპრიზი აღმოჩნდა. გუნდში მოვიდნენ ახალი ფეხბურთელები და ყველამ გაამართლა. გუნდს მშვენიერი სათადარიგოთა სკამი აქვს. პირველივე წუთებიდან ვერ თამაშობენ სიმეონე, რასპადორი, პოლიტანო, ელმასი… რადგან მოედანზე უკვე არიან არა ნაკლები ფეხბურთელები თუ უკეთესი არა. ამდენი უცნობი და კარგი ფეხბურთელის ერთდ თავმოყრა იოლი საქმე ვერ არის. როგორ მოახერხა ეს „ნაპოლიმ“.

მას ჰქვია Kama Sport და ეს არის პროგრამული უზრუნველყოფა, რომელმაც „ნაპოლი“ დიდებული გახადა. სწორედ ამის წყალობით იპოვა დე ლაურენტისის კლუბმა კვარაცხელია, კიმი, ოლივეირა, ოსტიგარდი და უფრო ადრე ანგისა. ეს არის პლატფორმა, რომელიც „ნაპოლიმ“ „ბრეშას“ სამი ბიჭისგან იყიდა: კარლო ბერტელი, რომელიც Forbes-მა იტალიაში 30 წლამდე ყველაზე გავლენიანთა შორის დაასახელა, და კომპიუტერული ინჟინრები დავიდე რაგაძი და ნიკოლა ბოსიო. სტარტაპი 2019 წელს დაარსდა. დღეისათვის კომპანიამ თავისი ღირებულება ათჯერ გაიზარდა. „ნაპოლიმ“ პლატფორმის გამოყენება ჯერ კიდევ კარლო ანჩელოტისთან ერთად დაიწყო და არასოდეს უთქვამს უარი მასზე.

„ნაპოლი“ არის სერია A-ს პირველი გუნდი, რომელიც აღჭურვილია აპლიკაციის სრული ვერსიით. მას ასევე იყენებენ „სასუოლო“, „ფიორენტინა“, „კალიარი“ და „უდინეზე“.

როდესაც გადაწყვიტეს დაშორებოდნენ ინსინიეს, მერტენსს და კულიბალის, „ნაპოლიმ“ „კამა სპორტს“ ჰკითხა, როგორ შეეცვალა ისინი.
„უნდა ტანმაღალი ცენტრალური მცველი, სწრაფი, პიროვნული თვისებებით, ძალიან ცოტა შეცდომით, 25 წლის, მცირე ხელფასით და 20 მილიონამდე დანახარჯებით: კიმი „ფენერბაჰჩედან“.

იგივე ინსინიეს ნაცვლად.
ინსინიეს შეცვლის მიდგომა განსხვავებული იყო ტაქტიკური თვალსაზრისით. სპალეტიმ მოითხოვა მარჯვენა ფეხით მოთამაშე გარემარბი, მაგრამ უფრო ძლიერი ფეხით, უფრო ოსტატური ვერტიკალურად და სწრაფი. „კამა“ პასუხობს: არის ასეთი კაცი, კვარაცხელია, რომელსაც შეუძლია შენთვის ბევრი კარგი გააკეთოს ნეაპოლო“.

არა მარტო კიმი და კვარაცხელია. ოლივეირა და ოსტიგარდი ასევე Kama Sport-ის წყალობით ჩავიდნენ. ოლივეირასთან და ოსტიგარდთან ერთად ყველაფერი იგივე გზით წავიდა: მცირე ხარჯი (11 და 5 მილიონი) და ბევრი სარგებელი.

რასპადორისა და სიმეონეს შემთხვევაში აპლიკაცია მხოლოდ დამხმარე ფუნქციას ასრულებდა. რასპადორზე და სიმეონეზე „კამა“ მხოლოდ მხარდაჭერად მსახურობდა. შეძლებდნენ თუ არა ისინი მერტენსისა და პეტანიას შეცვლას? პასუხი იყო – დიახ.