ბენზემამ სანაკრებო კარიერა დაასრულა

35 წლის ასაკში, მოქმედმა ოქროს ბურთის მფლობელმა, კარიმ მოსტაფა ბენზემამ, სანაკრებო კარიერის დასრულების შესახებ გვამცნო.

97 მატჩში გატანილი 37 გოლი დიდი ვერაფერი ამბავია, მაგრამ უნდა გავითვალისწინოთ, რომ ბენზემა ნაკრების კაცი არასდროს ყოფილა. გავიხსენოთ, მისი ცნობილი ინციდენტი მეტიუ ვალბუენასთან, პლუს ამ მუნდიალზე მომხდარი ამბები, როდესაც ბენზემამ ნაკრები ნაადრევად დატოვა, შემდეგ იყო ზარი მაკრონისგან და პოსტი ინსტაგრამზე: “არ მაინტერესებს”.

მოკლედ, ბენზემა “ლოს ბლანკოსთან” ერთად მე-15 ჩემპიონთა ლიგის თასისთვის ემზადება, სანაკრებო ცხოვრება კი წარსულია.