კლოპი ისევ გერმანელისკენ იყურება: ნოიჰაუსი ლივერპულში?

ჯორჯინიო ვეინალდუმთან კონტრაქტის განახლებაზე საუბარი დასრულდა. 6-წლიანი “ენფილდური” კარიერა ივნისში დასრულდება და, შესაბამისად, საჭიროა ნიდერლნდელის შეცვლა, რაც იოლი ამბავი არაა.

გერმანულ “კიკერს” თუ დავუჯერებთ, “ლივერპულელები” ფლორიან ნოიჰაუსის ტრანსფერზე არიან ფოკუსირებული. “გლადბახის” 23 წლის ნახევარმცველმა უკვე 3 ოფიციალური მატჩის ჩატარება მოასწრო გერმანიის ნაკრების შემადგენლობაში, ხოლო მიმდინარე სეზონში 28 მატჩში მიიღო მონაწილეობა.

ნოიჰაუსის გამოსასყიდი თანხა 35 მილიონ გირვანქა სტერლინგს შეადგენს, რაც გარკვეულწილად უადვილებს საქმეს “ენფილდის” ბინადრებს.