ევრობასკეტი თბილისში გაიხსნება: კალენდარი ცნობილია – რუსებით ვამთავრებთ

დღეს, FIBA-მ 2022 წლის ევრობასკეტის ოფიციალური კალენდარი დაამტკიცა. კალენდარის თანახმად ცნობილი გახდა, რომ მომავალი ევრობასკეტი თბილისში გაიხსნება. 1 სექტემბერს, თბილისის დროით, 15:30 საათზე თბილისში ერთმანეთს მსოფლიოს მოქმედი ჩემპიონი ესპანეთი და ბულგარეთი შეხვდებიან.

1 სექტემბერს ტურნირში A და B ჯგუფის გუნდები ჩაერთვებიან. C და D ჯგუფის გუნდები კი, 2 სექტემბერს აიღებენ სტარტს.

საქართველოს ნაკრების ყველა შეხვედრა ევრობასკეტის ჯგუფურ ეტაპზე, თბილისის დროით, 21:00 საათზე დაიწყება.

ილიას ზუროსის გუნდი 1 სექტემბერს ბელგიას ეთამაშება. 3 სექტემბერს ჩვენი გუნდის მეტოქე მსოფლიოს მოქმედი ჩემპიონი ესპანეთი იქნება, 4 სექტემბერს თურქეთს ვეთამაშებით, 6-ში ბულგარელებს შევხვდებით, 7 სექტემბერს კი, ჯგუფურ ეტაპს რუსეთის ნაკრების წინააღმდეგ მატჩით დავასრულებთ.

ჯგუფიდან პლეი-ოფში 4 საუკეთესო გუნდი გადის. პლეი-ოფის მატჩები ბერლინში გაიმართება.

Get your calendars and mark the dates, as the official #EuroBasket 2022 schedule has been finalized! 🗓️✍️

Which country will #BringTheNoise next September? 🗣️https://t.co/JRTHflVkI3

— FIBA EuroBasket (@EuroBasket) December 6, 2021

ევრობასკეტზე გუნდები ჯგუფებში ასე არიან გადანაწილებული.

A ჯგუფი: საქართველო, რუსეთი, ესპანეთი, ბულგარეთი, ბელგია, თურქეთი.
B ჯგუფი: გერმანია, უნგრეთი, სლოვენია, ლიეტუვა, ბოსნია-ჰერცეგოვინა, საფრანგეთი.
C ჯგუფი: საბერძნეთი, ესტონეთი, უკრაინა, დიდი ბრიტანეთი, იტალია, ხორვატია.
D ჯგუფი: ნიდერლანდები, ფინეთი, პოლონეთი, ჩეხეთი, ისრაელი, სერბეთი.