დღის ფოტო – გადაწებებული ნომერი: ეს ფორმა უკვე ისტორიაშია

კომორის კუნძულების ნაკრებმა აფრიკის თასის 1/8 ფინალში კამერუნთან ღირსეულად წააგო – 1:2. ისე მოხდა, რომ კარში მინდვრის მოთამაშე ჩაადგა. კომორელთა მეკარეებს ტრავმა და კოვიდი ჰქონდათ.

ტრაგედია აფრიკაში: ჭყლეტვაში 7 ადამიანი დაიღუპა

კარში დააყენეს მარცხენა მცველი შაკერ ალ-ჰადური. ის საფრანგეთის ლიგა 1-ში გამოდიოდა – „ნანტსა“ და „კანში“. ბოლო წლებში ლიგა 2-ში ჩავიდა: 4 სეზონი „შატორუში“, 2021-დან კი „აიაჩოშია“. ოღონდ მხოლოდ 4 წუთი 2021/22 წლების სეზონში.

ალ-ჰადურს სახელობითი ფორმაც დაუმზადეს (მეორე კომპლექტიდან აიღეს), მაგრამ არის ნიუანსი: №3 დატანებულია №16-ის ზემოდან.

რატომ ასეთი ფორმა?

საქმე ისაა, რომ კომორის კუნძულელთა მეკარის მაისური სხვა კომპლექტიდანაა. 1/8 ფინალში კომორელები თეთრი ფორმით თამაშობდნენ, მეკარეს მწვანე კომპლექტი უნდა ჰქონოდა. მაგრამ არ შეიძლება, რადგან მწვანე – მეტოქის, კამერუნის ფორმის ერთ-ერთი ძირითადი ფერია.

ამიტომ ალ-ჰადური მეორე ფორმით გავიდა. ამით პირველ მატჩში გაბონთან ალი ახამადა თამაშობდა.

მე-16 ნომერი ეკუთვნის განაცხადის მესამე მეკარეს მოიად უსენის, ხოლო სამიანი სწორედ ალ-ხადურის ნომერია.

თავიდან ეტყობა მარტო გვარის დაწერით შემოიფარგლნენ, მაგრამ მერე გაიგეს, რომ ნომერიც აუცილებელია (ნომერი გვარზე მნიშვნელოვანია ფეხბურთში, პირველ რიგში მსაჯისთვის).

ეს ხომ აფრიკაა.