რთული ჩანს, მაგრამ იმედია კარგი ამბავი გვექნება: ლუის ენრიკე ხვიჩას ტრავმაზე

ჩემპიონთა ლიგის ჯგუფური ეტაპის ბოლო ტურში ხვიჩა კვარაცხელიამ ტრავმა მიიღო და შესაცვლელი გახდა. ჩვენიანს „ნიუკასლის“ ელანგა მოედნის ცენტრში ეუხეშა და ხვიჩას კოჭი ჩაჰყვა. ისე ჩანდა, რომ დაზიანება სერიოზულია, თუმცა ცხადია უნდა დაველოდოთ ექიმების საბოლოო ვერდიქტს.

ხვიჩამ ტრავმა მიიღო და გასაყვანი გახდა, მანამდე საგოლე პასი მოასწრო, პსჟ-მ კი მის გარეშე ვერ მოიგო

მატჩის შემდეგ კვარას ტრავმაზე ისაუბრა პსჟ-ს მწვრთნელმა ლუის ენრიკემ:

„დღეს კიდევ ერთმა მნიშვნელოვანმა მოთამაშემ ტრავმა მიიღო. სამწუხაროა, რომ ამას უნდა შევურიგდეთ. კვარაცხელიას კოჭ-წვივი აქვს დაზიანებული. ტრავმა რთული ჩანს. სამედიცინო ტესტების პასუხებს დაველოდებით და იმედია, კარგი ამბავი მექნება“.