ხვიჩამ მაგარი საგოლე პასი გააკეთა, პსჟ-მ მოიგო

საფრანგეთის ჩემპიონატში ხვიჩა კვარაცხელიას პსჟ-მ შინ „ჰავრი“ დაამარცხა – 3:0. ქართველმა ფეხბურთელმა მშვენიერი საგოლე პასი გააკეთა.

ხვიჩა ძირითადში არ ყოფილა და მოედანზე 71-ე წუთზე შევიდა. 87-ე წუთზე კი მოედნის ცენტრიდან მეტოქის საჯარიმოს ხაზთან ბარკოლას გრძელი გამჭოლი პასი გაუკეთა. ლიგა 1-აში კვარაცხელიამ უკვე სამი ასისტი მიითვალა (პლუს 1 გოლი).

ჩვენიანს გატანის შანსი თავადაც ჰქონდა, მაგრამ ბურთი მეკარემ მოიგერია.

შეფასებები განსხვავებულია: Whoscored – 7.1 Sofascore – 6.8 Flashscore – 8.1

პსჟ – ჰავრი 3:0
გოლები: 1:0 ლი (29), 2:0 ნევეში (65), 3:0 ბარკოლა (87)

პსჟ 30 ქულით ლიდერია და მომდევნო შეხვედრას 27 ნოემბერს, შინ ჩემპიონთა ლიგაზე „ტოტენჰემთან“ გამართავს.