გოჩოლეიშვილი ძირითადში იყო, ჰამბურგი დორტმუნდთან ბოლო წამს გადარჩა

ბუნდესლიგის მე-10 ტურში გიორგი გოჩოლეიშვილის „ჰამბურგი“ შინ დორტმუნდის „ბორუსიას“ შეხვდა და ქულა აიღო – 1:1.

ქართველი მცველი ძირითად შემადგენლობაში იყო და 74-ე წუთზე შეცვალეს.

შეფასებები: flashscore – 7.2, sofascore – 7.0, whoscored – 6.8.

აღსანიშნავია, რომ მასპინძლებმა ანგარიში მსაჯის მიერ დამატებულ მე-7 წუთზე გაათანაბრეს.

ჰამბურგი – დორტმუნდი 1:1
გოლები: 0:1 ჩუკვუემეკა (64), 1:1 კენიგსდორფერი (90+7)

„ჰამბურგი“ 9 ქულით ამ მომენტისთვის მე-12 ადგილზეა და 22 ნოემბერს სტუმრად „აუგსბურგს“ შეხვდება.