ფოტო: მესის მაიამის გასაღები გადასცეს

ლიონელ მესის მაიამის ქალაქის გასაღები გადაეცა.

„ინტერ მაიამის“ თავდამსხმელმა ქალაქის გასაღები მაიამის მერისგან, ფრენსის სუარესისგან, ამერიკის ბიზნეს ფორუმზე გამოსვლის შემდეგ მიიღო.

„მინდა ეს გასაღები გადმოგცეთ ყველაფრისთვის, რაც ქალაქისთვის, ქვეყნისთვის და ფეხბურთის სამყაროსთვის გააკეთეთ. მადლობა“, – თქვა სუარესმა.

„მადლობა, დიდი პატივია ჩემთვის. თავს ძალიან მადლიერად, ძალიან ბედნიერად ვგრძნობ, რომ ამ ქალაქში ვცხოვრობ. ჩემთვის დიდი პატივია ამ ჯილდოს მიღება. მადლობა“, – თქვა მესიმ.

არგენტინელი „ინტერ მაიამიში“ 2023 წლის ივლისიდან თამაშობს.