Tato Nikuradze
საქართველოს პრემიერ მინისტრი ირაკლი ღარიბაშვილის მიერ ინიცირებულმა კანონპროექტმა, რომელიც სათამაშო ბიზნესის რეკლამირების შეზღუდვას და მათთვის სააქციზო გადასახადის გაზრდას ითვალისწინებს, ქართული სპორტი სერიოზულად დააზინა.
ცოტა ხნის წინ გაუწყეთ, რომ Crocobet-სა და თბილისის “ლოკომოტივს” შორის თანამშრომლობა შეწყდა, რის გამოც ბოლო პერიოდში ქართული ფეხბურთის ერთ-ერთი გამორჩეული გუნდი დაიშალა. დაიშალა ასევე საფეხბურთო კლუბი “თელავი”, რომლის გენერალური სპონსორიც ასევე Crocobet იყო.
გენერალური სპონსორის გარეშე დარჩა საქართველოს მოქმედი ჩემპიონი ბათუმის “დინამოც”, რომელმაც Europebet-თან თანამშრომლობა გაწყვიტა.
გუშინ კი, BM.GE-სთან საუბარში თბილისის “დინამოს” გენერალურმა დირექტორმა ზაზა დოლიძემ დაადასტურა, რომ საქართველოს ყველაზე ტიტულიანი საფეხბურთო კლუბი გენერალური სპონსორის (Betlive) გარეშე დარჩა და ამით თბილისური კლუბის ბიუჯეტი 15%-ით შემცირდა.
შეგახსენებთ, რომ აზარტული თამაშების კომპანიებისთვის დაწესებული შეზღუდვების ნაწილი უკვე ძალაშია. 2022 წლიდან ამ ბიზნესში ჩართულ სუბიექტებს გადასახადები გაეზარდათ და მათი დასაბეგრი ბაზა 65-70%-ით არის მომატებული. სხვა რეგულაციები, რომლებიც მათ შორის რეკლამის აკრძალვას ითვალისწინებს და ასევე კრძალავს მილიონამდე ადამიანისთვის აზარტულ თამაშებში ჩართულობას, პირველი მარტიდან ამოქმედდება.
GIPHY App Key not set. Please check settings