გოჩოლეიშვილის დებიუტი ბუნდესლიგაში, ჰამბურგმა ქულა აიღო

გიორგი გოჩოლეიშვილმა ბუნდესლიგაში სადებიუტო შეხვედრა ჩაატარა. მისი „ჰამბურგი“ სტუმრად მიონხენგლადბაის „ბორუსიას“ შეხვდა და ქულა მოიპოვა – 0:0.

ქართველი მცველი ძირითად შემადგენლობაში იყო და მატჩის მიწურულს, 86-ე წუთზე შეცვალეს.

გიორგი საკმაოდ აქტიური იყო, თავის პოზიციაზეც დამაჯერებლად გამოიყურებოდა და შეტევებშიც ერთვებოდა.

81-ე წუთზე ჩვენიანი დრიბლინგით მეტოქის საჯარიმოში შეიჭრა, წაიქცა და იერიშის დასრულება ვერ შეძლო.

მომდევნო შეხვედრას „ჰამბურგი“ 29 აგვისტოს გამართავს, შინ „სანკტ პაულთან“.