კიტე ფორმაშია: დუბლი, ბომბარდირობა და მოგება

ოთარ კიტეიშვილის გრაცის „შტურმი“ ქართველის კარგი თამაშით სტუმრად „რიდი“ დაამარცხა 3:1.

ქართველი ნახევარმცველი ძირითად შემადგენლობაში იყო და 87-ე წუთზე შეცვალეს.

კიტეიშვილმა დუბლი შეასრულა – 16-ე და 44-ე წუთებზე გაიტანა.

მაღალი შეფასებაც დაიმსახურა – 8.5.

სამ ტურში ჩვენიანის ანგარიშზე 4 გოლია და ბომბარდირთა დავაში პირველ-მეორე ადგილებს იყოფს.
კიტეიშვილმა გაიტანა ჩემპიონატის სამივე მატჩში, პლუს ერთი ბურთი თასზეც შეაგდო.

რიდი – შტურმი 1:3
გოლები: 1:0 კიდლი (13), 1:1 კიტეიშვილი (16), 1:2 ჯონსტონი (31), 1:3 კიტეიშვილი (44)

„შტურმს“ 6 ქულა აქვს და მომდევნო მატჩს 20 აგვისტოს, ჩემპიონთა ლიგის საკვალიფიკაციო ეტაპზე ნორვეგიაში „ბოდო გლიმტთან“ ჩაატარებს.