საკლუბო მუნდიალის სიმბოლურში მარტო ორი გუნდის ფეხბურთელები არიან

მსოფლიო საკლუბო ჩემპიონატის კვირის სიმბოლური გუნდში ექვსი ფეხბურთელი „პარი სენ-ჟერმენიდან“ მოხვდა, ხოლო ხუთი – ლონდონის „ჩელსიდან“, – რჩეულები ფიფა-ს ოფიციალურმა პარტნიორმა, DAZN-მა გამოავლინა.

ფრანგულმა და ინგლისურმა გუნდებმა მსოფლიო საკლუბო ჩემპიონატის ნახევარფინალურ ეტაპზე წარმატებით იასპარეზეს. „პარი სენ-ჟერმენმა“ „რეალი“ 4:0 დაამარცხა, ხოლო „ჩელსიმ“ „ფლუმინენსეს“ 2:0 სძლია.

მსოფლიო საკლუბო ჩემპიონატის კვირის სიმბოლური გუნდი:

მეკარე: ჯანლუიჯი დონარუმა (პსჟ).

მცველები: აშრაფ ჰაკიმი, მარკინიოსი (პსჟ), ტრევო ჩალობა, მარკ კუკურელია („ჩელსი“).

ნახევარმცველები: პედრო ნეტო, ენცო ფერნანდესი („ჩელსი“), ფაბიან რუისი, ბრედლი ბარკოლა (პსჟ).

თავდამსხმელები: ჟოაო პედრო („ჩელსი“), უსმან დემბელე (პსჟ).

მსოფლიო საკლუბო ჩემპიონატის ფინალი 13 ივლისს ნიუ ჯერსის შტატში, ქალაქ ისტ რუზერფორდში, „მეტლაიფ სტადიონზე“ ჩატარდება. შეხვედრა 23:00 საათზე დაიწყება და პირდაპირ რეპორტაჟს პირველი არხი შემოგთავაზებთ.

1tv.ge